Mae gwyddoniaeth niwclear mewn sefyllfa i chwarae rhan allweddol yn nhrawsnewidiad ynni glân y DU. Er mwyn hybu dyfodol sero-net, yr ydym yn cyfuno rhwydwaith o dros 100 o sefydliadau byd-eang drwy’r Rhaglen Cylchred Tanwydd Ddatblygedig (AFCP).
Mae’r Rhaglen Cylchred Tanwydd Ddatblygedig yn arloesi strategaeth cydweithredol unigryw. Mae’r rhaglen nid yn unig yn cysylltu diwydiant, academia, labordai cenedlaethol a Llywodraeth, ond mae ei unarddeg o brosiectau technegol hefyd yn cydweithio’n agos i ddarparu arloesedd integredig. Drwy’r dull unedig hwn, mae’r Rhaglen Cylchred Tanwydd Ddatblygedig yn diogelu dyfodol defnyddio gwyddoniaeth a thechnoleg cylchred tanwydd ddatblygedig tra’n dyrchafu isadeiledd hanfodol, sgiliau a phobl am genedlaethau i ddod
Fel rhan o Raglen Arloesi Ynni £505m yr Adran Busnes, Ynni a Strategaeth Diwydiannol (BEIS), mae’r Rhaglen Cylchred Tanwydd Ddatblygedig yn cefnogi ymrwymiad y DU i gyrraedd sero-net erbyn 2050. Mae cylchred tanwydd datblygedig yn cynnwys ynni glân ac opsiynau ailgylchu cynaliadwy, sy’n golygu bod y Rhaglen Cylchred Tanwydd Ddatblygedig yn ystyried effeithiau amgylcheddol, cymdeithasol ac economaidd hirdymor gwyddor niwclear o fewn cymysgedd ynni glân y DU.
Mewn partneriaeth â’r Adran Busnes, Ynni a Strategaeth Diwydiannol, mae LNC yn ymfalchïo wrth arwain y Rhaglen Cylchred Tanwydd Ddatblygedig fel y buddsoddiad mwyaf i ymhollti niwclear y DU mewn cenhedlaeth. Mae’r rhaglen yn ehangu cyfleusterau rheng flaen presennol LNC, gan ymgysylltu â dros 175 o’n cydweithwyr er mwyn ei gyflawni a chryfhau ein perthynas traws-sector i hyrwyddo rôl gwyddor niwclear yn nhirwedd carbon- isel y DU sy’n esblygu.
Gyda’n gilydd, yr ydym ni’n #HybuSero-Net ar gyfer dyfodol ynni glân.
Darganfyddwch fwy ar wefan AFCP.
